நாடு முழுவதும் இதுவரை போடப்பட்ட கொரோனா தடுப்பூசி டோஸ்களில் 60.27 சதவிகித டோஸ்கள் வெறும் 9 நாள்களில் போடப்பட்டு சாதனை படைத்துள்ளனர்.
இந்தியாவில் கொரோனா வைரஸின் பாதிப்பு மின்னல் வேகத்தில் பரவி வருகின்றது. இதனால் அனைத்து மாநிலங்களிலும் தீவிரமாக கொரோனா தடுப்பு ஊசி போடப்பட்டு வருகின்றன. இந்நிலையில் தடுப்பூசி போடப்பட்ட 85 நாளான நேற்று முன்தினம் ஒரே நாளில் மட்டும் 35,19,987 பேருக்கு டோஸ்கள் போடப்பட்டுள்ளன. அதில் 31,22,109 பயனாளர்கள் முதல் டோஸ் தடுப்பூசினையும், 2-வது டோஸ் 3,97,878 பயனாளர்களுக்கு போடப்பட்டுள்ளது.
ஒரே நாளில் இவ்வளவு தடுப்பூசி போடப்பட்டு பெரும் சாதனை படைத்துள்ளனர். இவ்வாறு அதிக எண்ணிக்கையில் தடுப்பூசி போடப்பட்டு வருவதால் 10 கோடியை எட்டியுள்ளது. தடுப்பூசி போடப்படும் திட்டத்தில் சாதனை படைத்து இந்தியா முதலிடத்தில் திகழ்கின்றது. உலக நாடுகள் முழுவதும் இதுவரை போடப்பட்ட தடுப்பூசி டோஸ்களை 60.27 தடுப்பூசிகள் வெறும் 9 நாள்களில் போடப்பட்டுள்ளது என்ற தகவலை மத்திய சுகாதார அமைச்சகம் வெளியிட்டுள்ளது.