அரசு பேருந்தை தாக்கிய வாலிபரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள நத்தத்துப்பட்டி கிராமத்தில் நாராயணன் என்பவர் வசித்து வருகிறார். இவர் கோட்டுரிலிருந்து சாத்தூர் செல்லும் அரசு பேருந்தில் ஏறியுள்ளார். இந்நிலையில் பேருந்து சென்று கொண்டிருந்தபோது நாராயணன் தான் மறைத்து வைத்திருந்த அரிவாளால் பேருந்தின் கண்ணாடி மற்றும் ஜன்னல்களை உடைத்துள்ளார்.
இதனை பார்த்து அதிர்ச்சியடைந்த பேருந்து ஓட்டுனர் குருசாமி உடனடியாக காவல்துறையினருக்கு தகவல் தெரிவித்துள்ளார். அந்த தகவலின் படி சம்பவ இடத்திற்கு விரைந்து சென்ற காவல்துறையினர் நாராயணனை கைது செய்துள்ளனர். மேலும் இதுகுறித்து வழக்கு பதிவுசெய்த காவல்துறையினர் நாராயணனிடம் விசாரணை மேற்கொண்டு வருகின்றனர்.