ரஜினி அடுத்தடுத்த திரைப்படங்களுக்கு வாங்க உள்ள சம்பளம் குறித்து தகவல் வெளியாகியுள்ளது.
தமிழ் சினிமா உலகில் உச்ச நட்சத்திரமாக வலம் வருகின்றார் ரஜினி. இவர் தற்போது நெல்சன் இயக்கத்தில் ஜெயிலர் திரைப்படத்தில் நடித்து வருகின்றார். தற்போது படத்தின் இறுதி கட்ட ஷூட்டிங் விறுவிறுப்பாக நடந்து வருகின்றது. அண்மையில் படப்பிடிப்பில் எடுத்த புகைப்படங்கள் மற்றும் வீடியோக்கள் இணையத்தில் வைரலானது. இந்த நிலையில் திரைப்படம் ரிலீஸ் ஆவதற்கு முன்பாகவே ரஜினியின் அடுத்தடுத்த திரைப்படங்கள் குறித்த செய்திகள் வெளியாகி வருகின்றது.
அந்த வகையில் ரஜினியின் அடுத்த இரண்டு திரைப்படங்களை லைக்கா நிறுவனம் தயாரிக்க உள்ளதாகவும் அதில் ஒரு திரைப்படத்தை சிபிச்சக்கரவர்த்தி இயக்க இருப்பதாகவும் கூறப்படுகின்றது. மேலும் தற்போது ரஜினி அடுத்த இரண்டு திரைப்படங்களுக்கும் லைக்கா நிறுவனத்திடம் படத்திற்கு ரூபாய் 250 கோடி சம்பளம் + ஜி.எஸ்.டி கேட்டு இருக்கின்றாராம். மொத்தமாக இரண்டு திரைப்படங்களுக்கு ரூபாய் 300 கோடி வரை சம்பளமாக வாங்க இருப்பதாக செய்தி வெளியாகி இருக்கின்றது.