தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் நடிகர் விஜய் இவரின் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. தற்போது இவர் இயக்குனர் வம்சி இயக்கத்தில் வாரிசு படத்தில் நடித்துள்ளார். பொங்கலுக்கு ரிலீசாகும் இந்த திரைப்படத்தை ரசிகர்கள் எதிர்பார்த்து காத்துக் கொண்டிருக்கின்றனர்.
ராஷ்மிகா மந்தனா கதாநாயகியாக நடிக்கும் இந்த படத்தில் சரத்குமார், பிரகாஷ்ராஜ் மற்றும் பலர் முக்கிய கதாபாத்திரத்தில் நடிக்கின்றனர். சமீபத்தில் இந்த படத்தில் இருந்து ரஞ்சிதமே, தீ தளபதி போன்ற பாடல்கள் ரிலீசாகி ரசிகர்கள் மத்தியில் நல்ல வரவேற்பு பெற்றது.
இதனையடுத்து, இந்த படத்தின் இசை வெளியீட்டு விழா குறித்த தகவல் இணையத்தில் வெளியாகியுள்ளது. அதன்படி இந்த படத்தின் இசை வெளியீட்டு விழா வரும் டிசம்பர் 24ஆம் தேதி சென்னையில் நடக்கவுள்ளது.
இந்நிலையில், தற்போது சீனாவில் கொரோனா வைரஸின் புதுவகை வேகமாக பரவி வருகிறது. தற்போது இந்த வைரஸ் இந்தியாவுக்கும் வந்துவிட்டது. இதனால் இந்த நேரத்தில் வாரிசு இசை வெளியீட்டு விழா நடக்குமா என இணையத்தில் பேசி வருகின்றனர். மேலும் ரசிகர்கள் வாரிசு இசை வெளியீட்டு விழா நிச்சயம் நடக்கும் என நம்பிக்கையுடன் கூறி வருகின்றனர்.