நடிகர் சிம்பு தனது சம்பளத்தை உயர்த்தி இருப்பதாக தகவல் வெளியாகியுள்ளது.
தமிழ் சினிமாவில் முன்னணி நடிகர்களில் ஒருவராக வலம் வருபவர் சிம்பு. வெங்கட் பிரபு இயக்கத்தில் இவர் நடிப்பில் சமீபத்தில் வெளியான திரைப்படம் ”மாநாடு”. இந்த படம் வசூல் ரீதியாகவும், விமர்சன ரீதியாகவும் ரசிகர்களிடையே மாபெரும் வெற்றி அடைந்தது. இதனையடுத்து, இயக்குனர் கௌதம் மேனன் இயக்கத்தில் சிம்பு ‘வெந்து தணிந்தது காடு’ படத்தில் நடித்து வருகிறார்.
இந்நிலையில், சிம்பு திடீரென தனது சம்பளத்தை உயர்த்தி இருப்பதாக அதிர்ச்சி தகவல் வெளியாகியுள்ளது, அதன்படி இவர் தனது சம்பளத்தை 20 கோடியாக உயர்த்தி விட்டதாக கூறப்படுகிறது. மேலும், ஒரு படத்தை தயாரிக்க தயாரிப்பாளர் ஒருவர் அவரை அணுகிய போது அவர் சொன்ன சம்பளத்தை கேட்டு அந்த தயாரிப்பாளர் அதிர்ச்சி அடைந்ததாகவும் தகவல் வெளியாகியுள்ளது.