தமிழ் சினிமாவில் முன்னணி நடிகராக வலம் வரும் சிம்பு நடிப்பில் அண்மையில் வெந்து தணிந்தது காடு என்ற திரைப்படம் ரிலீஸ் ஆனது. இந்த படத்தை கௌதம் மேனன் இயக்க ஐசரி கணேஷ் தயாரித்திருந்தார். இந்தப் படம் வசூல் ரீதியாகவும், விமர்சன ரீதியாகவும் நல்ல வரவேற்பை பெற்றது. இந்த படத்தின் மூலம் குஜராத்தி நடிகையான சித்தி இதானி தமிழில் ஹீரோயினாக அறிமுகமானார்.
முதல் படத்திலேயே ரசிகர்கள் மத்தியில் இடம் பிடித்த சித்தி தற்போது ஆர்யாவுடன் இணைந்து ஒரு புதிய படத்திலும், ஹரிஷ் கல்யாணுடன் இணைந்து 100 கோடி வானவில் என்ற திரைப் படத்திலும் நடித்து வருகிறார். இந்நிலையில் நடிகை சித்தி சமீபத்தில் சென்னையில் உள்ள ஒரு முதியோர் இல்லத்திற்கு சென்றுள்ளார்.
அங்கு உள்ளவர்களை சந்தித்து பேசியதோடு அவர்களுக்கு தேவையான உணவுகளையும் அவர் வழங்கியுள்ளார். மேலும் நடிகை சித்தி செய்த நெகிழ்ச்சி செயல் தொடர்பான புகைப்படங்கள் தற்போது இணையதளத்தில் வைரலாகி வருகிறது. இந்த புகைப்படங்களை பார்த்த ரசிகர்கள் பலரும் நடிகை சித்தியை பாராட்டி வருகிறார்கள்.
