‘சந்திரலேகா’ சீரியலில் இருந்து பிரபல நடிகர் வெளியேறி இருப்பது ரசிகர்களுக்கு அதிர்ச்சியை ஏற்படுத்தியுள்ளது.
சின்னத்திரையில் நிறைய சீரியல்கள் ஒளிபரப்பாகி வருகின்றன. அந்த வகையில் சன் டிவியில் ஒளிபரப்பாகும் சீரியல்களுக்கென்று தனி ரசிகர் பட்டாளமே உள்ளது. குறிப்பாக தொடர்ந்து ஆறேழு வருடங்களை கடந்து ஓடிக் கொண்டிருக்கும் ”சந்திரலேகா” சீரியல் ரசிகர்கள் மத்தியில் நல்ல வரவேற்பு பெற்று வருகிறது.
மேலும், 2000 எபிசோடுகளை கடந்து ஒளிபரப்பாகி வரும் இந்த சீரியலில் இருந்து பிரபல நடிகர் வெளியேறி இருப்பது ரசிகர்களுக்கு அதிர்ச்சியை ஏற்படுத்தியுள்ளது. இந்த தொடரில் சபரி கதாபாத்திரத்தில் நடித்து வந்தவர் வெளியேறியுள்ளார். இதனை அவர் தனது இன்ஸ்டாகிராம் பக்கத்தில் வெளியிட்டுள்ளார். மேலும் சொந்த காரணங்களுக்காக இந்த சீரியலில் இருந்து வெளியேறுவதாக கூறியுள்ளார்.