மூதாட்டி அடித்து கொலை செய்யப்பட்ட சம்பவம் பரபரப்பை ஏற்படுத்தியுள்ளது.
கிருஷ்ணகிரி மாவட்டத்திலுள்ள காவேரிப்பட்டணம் பகுதியில் ராணுவ வீரரான கிருஷ்ணய்யர் என்பவர் வசித்து வந்துள்ளார். இவருக்கு மங்கம்மா என்ற மனைவி இருந்துள்ளார். இந்நிலையில் மங்கம்மாள் 2 நாட்களாக வீட்டில் இருந்து வெளியே வரவில்லை. ஆனால் டிவி மட்டும் தொடர்ந்து ஒலித்து கொண்டிருந்ததால் சந்தேகமடைந்த அக்கம்பக்கத்தினர் ஜன்னலை திறந்து பார்த்துள்ளனர்.
அப்போது தலையில் காயங்களுடன் மங்கம்மா சடலமாக கிடந்ததை கண்டு அதிர்ச்சி அடைந்த அக்கம் பக்கத்தினர் உடனடியாக காவல்துறைக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் மங்கம்மாவின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் மூதாட்டியை அடித்து கொன்ற மர்ம நபர்கள் குறித்து தீவிர விசாரணை மேற்கொண்டு வருகின்றனர்.