வீட்டை விட்டு வெளியேறிய தொழிலாளி சடலமாக மீட்கப்பட்ட சம்பவம் பரபரப்பை ஏற்படுத்தியுள்ளது.
விழுப்புரம் மாவட்டத்தில் உள்ள திருவெண்ணெய்நல்லூர் பகுதியில் இருக்கும் மரத்தில் முதியவர் ஒருவர் தூக்கில் சடலமாக தொங்கியுள்ளார். இதனை பார்த்ததும் அதிர்ச்சி அடைந்த பொதுமக்கள் உடனடியாக காவல் துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் முதியவரின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் நடத்திய விசாரணையில் சடலமாக மீட்கப்பட்ட நபர் அதே பகுதியில் வசித்த கலைஞர் என்பது தெரியவந்துள்ளது.
இந்நிலையில் கூலி தொழிலாளியான கலைஞர் குடும்ப பிரச்சினை காரணமாக கடந்த 5 நாட்களுக்கு முன்பு வீட்டை விட்டு வெளியேறியுள்ளார். அதன்பிறகு காவல்துறையினர் அவரை சடலமாக மீட்டுள்ளனர். இதுகுறித்து வழக்கு பதிவு செய்த காவல்துறையினர் கலைஞர் தூக்கிட்டு தற்கொலை செய்து கொண்டாரா அல்லது வேறு ஏதேனும் காரணம் உள்ளதா என்ற கோணத்தில் விசாரணை மேற்கொண்டு வருகின்றனர்.