முதியவர் மீது மோட்டார் சைக்கிள் மோதியதில் அவர் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.
கடலூர் மாவட்டத்தில் உள்ள சிங்காரத்தோப்பு பகுதியில் ராமலிங்கம் என்பவர் வசித்து வருகிறார். இவர் கடலூர் சாலையில் நடந்து சென்று கொண்டிருந்த போது, அந்த வழியாக வந்த மோட்டார் சைக்கிள் இவரின் மீது மோதி விட்டது. இந்த விபத்தில் பலத்த காயமடைந்த முதியவரை அருகில் இருந்தவர்கள் மீட்டு உடனடியாக கடலூர் அரசு மருத்துவமனைக்கு சிகிச்சைக்காக கொண்டு சென்றனர்.
அதன் பின்னர் அவர் புதுச்சேரி ஜிப்மர் மருத்துவமனைக்கு மேல் சிகிச்சைக்காக கொண்டு செல்லப்பட்டார். ஆனால் அங்கு அவருக்கு அளிக்கப்பட்ட சிகிச்சை பலனளிக்காமல் ராமலிங்கம் பரிதாபமாக இறந்துவிட்டார். மேலும் சம்பவம் குறித்து வழக்குப்பதிவு செய்த கடலூர் புதுநகர் போலீசார் தீவிர விசாரணை மேற்கொண்டு வருகின்றனர்.