22 ஆண்டுகளுக்கு பின், வேலூர் மாவட்டத்தில், தங்களை ஆசிரியர்களாக்கிய ஆசிரியர்பெருமக்களை முன்னாள் மாணவர்கள் நேரில் சந்தித்து ஆசிபெற்றனர் .
வேலூர் மாவட்டம் ,ராணிப்பேட்டையில் மாவட்ட ஆசிரியர் கல்வி மற்றும் ஆசிரியர் பயிற்சி நிறுவனம் செயல்பட்டுவருகிறது . கடந்த 22 ஆண்டுகளுக்கு முன் இந்நிறுவனத்தில் பயின்ற சுமார் 50 மாணவர்கள் தற்போது அரசு ஆரம்ப பள்ளி, மேல்நிலை பள்ளிகள் மற்றும் கல்லூரிகளில் பணிபுரிந்து வருகின்றனர்.
22 ஆண்டுகளுக்கு பின்னர் , ஆசிரியர் பயிற்சி பள்ளிக்கு வந்த முன்னாள் மாணவர்கள், ஆசிரியர்களுக்கு நன்றி தெரிவித்ததோடு,புகைப்படம் எடுத்துக்கொண்டனர். அதன்பின்னர் ”சேதமடைந்த கட்டிடங்களை புதுப்பித்து பல ஆசிரிய பெருமக்களை உருவாக்க தமிழக அரசு முன்வரவேண்டும்” எனவும் கோரிக்கை வைத்தனர்.