சரியாக படிக்கவில்லை என்று பெற்றோர் கண்டித்ததில் மாணவி தூக்கிட்டு தற்கொலை செய்தது சோகத்தை ஏற்படுத்தியுள்ளது.
செங்கல்பட்டு மாவட்டத்தில் உள்ள விஸ்வேசபுரத்தில் ஏழுசாமி என்பவர் வசித்து வருகின்றார். இவருக்கு சுவேதா என்ற மகள் இருந்துள்ளார். இவர் அப்பகுதியில் உள்ள தனியார் பள்ளியில் பிளஸ்-2 பயின்று வந்துள்ளார். இந்நிலையில் சுவேதா சரியாக வீட்டு வேலை செய்யாமலும், படிக்காமலும் இருந்ததால் பெற்றோர் ஏழுசாமி அவரை கண்டித்துள்ளார்.
இதனையடுத்து மனமுடைந்த சுவேதா வீட்டில் உள்ள படுக்கை அறையில் தூக்கிட்டு தற்கொலை செய்து கொண்டார். இதனால் அதிர்ச்சியடைந்த அவரது குடும்பத்தினர் சுவேதாவை மீட்டு தனியார் மருத்துவமனைக்கு சிகிச்சைக்காக கொண்டு சென்றனர். அங்கு சுவேதாவை பரிசோதித்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். இதுகுறித்து சங்கர் நகர் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.