IPL தொடரின் 15வது சீசன் சென்ற மாதம் துவங்கி தற்போது நடைபெற்று வருகிறது. கொரோனா தொற்று காரணமாக வீரர்கள் மற்றும் அணியின் சக பயிற்சியாளர்கள், நிர்வாகிகள் என்று அனைவரும் பயோ – பபிள் முறையில் இருக்கின்றனர். இந்த நிலையில் நடப்பு IPLதொடரில் முதன் முறையாக டெல்லி கேப்பிடல்ஸ் அணியைச் சேர்ந்த ஒருவருக்கு கொரோனா தொற்று உறுதி செய்யப்பட்டு இருக்கிறது.
அதாவது டெல்லி கேப்பிடல்ஸ் அணியின் பிசியோ பேட்ரிக் பர்ஹர்ட்டுக்கு இன்று கொரோனா தொற்று உறுதிசெய்யப்பட்டுள்ளது. அவர் இப்போது டெல்லி அணியின் மருத்துவக் குழுவால் கண்காணிக்கப்பட்டு வருகிறார்” என IPL நிர்வாகம் தரப்பில் தெரிவிக்கப்பட்டு உள்ளது. அதன்பின் டெல்லி அணியிலுள்ள அனைத்துவீரர்களுக்கும் கொரோனா பரிசோதனை மேற்கொள்ளப்பட்டுள்ளது. வீரர்கள் அனைவரும் பயோ பபிளில் உள்ளதால் மற்றவர்களுக்கு தொற்று உறுதி செய்யப்படுவதற்கான வாய்ப்புகள் குறைவு என்று தகவல் வெளியாகியது.