டெல்லியின் தெற்கு எக்ஸ்டன்ஷன் பார்ட்-1 பகுதியில் கோட் என்ற தனியார் கேளிக்கை விடுதி இருக்கிறது. இந்த தனியார் கேளிக்கை விடுதிக்கு சென்ற 18ஆம் தேதி அதிகாலை 2 மணியளவில் பெண் தன் நண்பர்களுடன் சென்று இருக்கிறார். இந்நிலையில் அந்த கேளிக்கை விடுதியில் பாதுகாப்பு பணியிலிருந்த பாதுகாவலர்கள் அப்பெண்ணையும், அவரது நண்பர்களையும் விடுதிக்குள் நுழைய அனுமதிக்கவில்லை. இதன் காரணமாக இருதரப்புக்கும் இடையில் வாக்குவாதம் ஏற்பாட்டு உள்ளது. வாக்குவாதம் முற்றிய நிலையில் அப்பெண்ணையும் அவரது நண்பர்களையும் கேளிக்கை விடுதி பாதுகாவலர்கள் கடுமையாக தாக்கி இருக்கின்றனர்.
அப்போது கேளிக்கை விடுதியின் மேலாளரும், விடுதி பாதுகாவலர்கள் 2 பேரும் சேர்ந்து அப்பெண்ணின் ஆடையை கிழித்து மானபங்கப்படுத்தியிருக்கின்றனர். அத்துடன் அப்பெண்ணிடம் பாலியல் ரீதியில் தகாத முறையில் நடந்து உள்ளனர். இது தொடர்பாக தகவலறிந்த காவல்துறையினர் சம்பவ இடத்திற்கு விரைந்து வந்து விசாரணை மேற்கொண்டனர். இவ்வாறு கேளிக்கை விடுதி ஊழியர்கள் தாக்கியதில் அதிர்ச்சியடைந்த பெண் மனநல ரீதியிலான பாதிப்புக்குள்ளான நிலையில், அவர் டெல்லி எய்ம்ஸ் மருத்துவமனையில் சிகிச்சைகாக அனுமதிக்கப்பட்டுள்ளார். இதுகுறித்து பாதிக்கப்பட்ட பெண் அளித்த புகாரின் படி சிசிடிவி கேமராக்களில் பதிவான காட்சிகளை ஆய்வு மேற்கொண்டு காவல்துறையினர் விசாரணை நடத்தி வருகின்றனர்.