பெங்களூருவில் பெய்துவரும் கன மழையால் நகரின் ஏராளமான பகுதிகள் வெள்ளக் காடாக மாறி இருக்கிறது. மேலும் சாலைகள் குளங்களாக மாறியுள்ளது. இதனால் சாலையில் நீச்சலடித்து குளிக்கும் நிலை ஏற்பட்டுள்ளது. பெங்களூருவின் இந்நிலையை நெட்டின்சன்கள் கேலி செய்து வருகின்றனர். அதாவது டுவிட்டரில் பெங்களூரு இப்போது வெனிஸ் நகரமாக மாறி இருப்பதாக ஒருவர் கூறியுள்ளார்.
பெங்களூரு நகரை வோண்டர்லாவாக மாற்றிய மாநகராட்சிக்கு நன்றி என ஒருவர் டுவிட்டரில் பதிவிட்டுள்ளார். அதன்பின் அன்ட்ரிபன் சான்யல் என்பவர் தன் டுவிட்டர் பக்கத்தில் மழைநீர் தேங்கிய பெங்களூரு விமான நிலைய புகைப்படத்தை பதிவிட்டு, விமான நிலையத்தின் இன்றைய நிலை இந்தியாவின் உள்கட்டமைப்பு நிலையை பார்த்து அழுவது போல இருக்கிறது என கூறியுள்ளார். அதனை தொடர்ந்து கம்ரன் என்பவர் பெங்களூருவை ஐரோப்பிய தரத்திற்கு மாற்றிய முதல் மந்திரி பசவராஜ் பொம்மைக்கு நன்றி என கூறியுள்ளார்