கொரோனா தொற்று பரவல் காரணமாக பள்ளிகள் மற்றும் கல்லூரிகள் மூடப்பட்டு இருந்தது. அதன் பின்னர் அரசின் கடுமையான முயற்சியினாலும், மக்களுக்கு தடுப்பூசி மீது செலுத்திய ஆர்வத்தினாலும், கொரோனா தொற்று குறைந்து, பள்ளி கல்லூரிகள் திறக்கப்பட்டு நேரடி வகுப்புகள் நடத்தப்பட்டு வருகிறது. இந்த நிலையில் உருமாறிய கொரோனா தொற்றான ஒமைக்ரான் தொற்று நாடு முழுவதும் வேகமாக பரவி வருகிறது. அதனால் பள்ளிகள் மீண்டும் மூடப்படும் என்று மகாராஷ்டிர மாநில பள்ளிக் கல்வித்துறை அமைச்சர் வர்ஷா கெய்க்வாட் தகவல் தெரிவித்துள்ளார். அதாவது இந்தியாவில் கடந்த மாதம் முதல் பதிவு செய்யப்பட்டு வரும் ஒமைக்ரான் வைரஸ் வழக்குகள் மகாராஷ்டிர மாநிலத்தில் புதிய தாக்கத்தை ஏற்படுத்தியுள்ளது.
அந்த வகையில் இதுவரை அந்த மாநிலத்தில் மட்டும் மொத்தம் 54 பேருக்கு தொற்று பதிவாகியுள்ளது. அதில் குறிப்பாக நேற்று ஒரே நாளில் மட்டும் 11 பேர் இந்த ஒமைக்ரான் வைரஸால் பாதிக்கப்பட்டு உள்ளனர். இந்த எண்ணிக்கை மாநிலங்களுக்கான மொத்த பாதிப்பு அதிகம் என்பது குறிப்பிடத்தக்கது. அதனால் தற்போது மகாராஷ்டிர மாநிலம் முழுவதும் தொற்று தொடர்ச்சியாக அதிகரித்து வந்தால், பள்ளிகள் அனைத்தும் மூடப்படும் என்று பள்ளிக்கல்வித்துறை அமைச்சர் வர்ஷா கெய்க்வாட் தெரிவித்துள்ளார். இதுகுறித்து அவர் பேசுகையில், மகாராஷ்டிராவில் ஒமைக்ரான் பரவலை தொடர்ந்து கண்காணித்து வருகிறோம். நோய்த் தொற்று தொடர்ந்து அதிகரித்தால் பள்ளிகள் மீண்டும் மூடப்படும் என்று அவர் குறிப்பிட்டுள்ளார்.