டிப்பர் லாரி மீது கார் மோதிய விபத்தில் முதியவர் பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள விளாங்குடியை சேர்த்தவர்கள் சீனுசாமி, பவுன்ராஜ், குமார், சின்னச்சாமி. இவர்கள் நால்வரும் சென்னைக்கு காரில் சென்று கொண்டிருக்கும் பொழுது எதிரே வந்த டிப்பர் லாரி மீது மோதி விபத்துகுள்ளனது. பெரம்பலூர் மாவட்டம் மங்கலமேட்டை அடுத்த வாலிகண்டபுரம் என்னும் ஊர் அருகே தம்மை குறுக்குச் சாலையில் சென்று கொண்டிருக்கும் போது இந்த விபத்து ஏற்பட்டுள்ளது.
இந்த விபத்தில் சீனுசாமி என்பவர் சம்பவ இடத்தில் உயிரிழந்தார். மீதமுள்ள மூவரும் பலத்த காயமடைந்தனர். இதனை அறிந்த போலீசார் சம்பவ இடத்திற்கு விரைந்தனர் காயமடைந்தவர்களை சிகிச்சைக்காக அரசு மருத்துவமனைக்கு அனுப்பினர். மேலும் விபத்து குறித்து போலீசார் தீவிர விசாரணை மேற்கொண்டு வருகின்றனர்.
