வெங்காயத்தின் வரவு அதிகரித்ததால் விலை குறைய தொடங்கியுள்ளது என விவசாயிகள் தெரிவித்துள்ளனர்.
தஞ்சை மாவட்டத்தில் காமராஜர் மார்க்கெட்டில் சுமார் 300-க்கும் மேற்பட்ட கடைகள் உள்ளது. இந்த கடைகளில் மொத்தமாகவும் சில்லரையாகவும் விற்பனை நடைபெறுவது வழக்கம். இங்கு உள் மற்றும் வெளி மாநிலங்களில் இருந்து காய்கறிகள் பழங்கள் போன்றவை விற்பனைக்கு கொண்டு வரப்படுகிறது. மேலும் இங்கிருந்து பட்டுக்கோட்டை, நீடாமங்கலம், திருவையாறு, மன்னார்குடி போன்ற பகுதிகளுக்கு காய்கறிகள் அனுப்பி வைக்கப்படுகிறது. இந்த நிலையில் வெங்காயத்தின் விலை ஏற்கனவே அதிகரித்து வந்ததால் மக்கள் வேதனையில் இருந்தனர்.
தற்போது வெங்காயத்தின் வரவு அதிகரித்ததால் சின்ன வெங்காயத்தின் விலை கிலோ 60 முதல் 100 ஆக விற்கப்படுகிறது. இது கிலோவிற்கு ரூபாய் 40 குறைந்திருக்கிறது. அதேபோல் பெரிய வெங்காயத்தின் விலை ரூபாய் 60 க்கு விற்கப்பட்ட நிலையில் தற்போது 10 குறைந்து 50க்கு விற்கப்படுகிறது. இதனால் பொதுமக்கள் மகிழ்ச்சி அடைந்துள்ளனர். மேலும் தொடர்ந்து வெங்காயத்தின் வரவு அதிகரித்து விலையும் குறைவதற்கு வாய்ப்பு உள்ளதாகவும் விவசாயிகள் தெரிவித்துள்ளனர்.