பொறியியல் படிக்கும் மாணவர்களுக்கான ஆன்லைன் வகுப்பு தொடக்கம் முதல் செமஸ்டர் தேர்வு வரையிலான அறிவிப்புகளை அண்ணா பல்கலைக்கழகம் வெளியிட்டுள்ளது.
கொரோனா பாதிப்பை கட்டுப்படுத்துவதற்காக மத்திய மாநில அரசுகளும், சுகாதாரத்துறை அதிகாரிகளும் பல்வேறு நடவடிக்கைகளைத் தொடர்ந்து மேற்கொண்டு வருகின்றனர். தமிழகத்திலும் இதனுடைய பாதிப்பை கட்டுப்படுத்துவதற்காக ஆகஸ்ட் 31-ஆம் தேதி வரை தளர்வுகளுடன் ஊரடங்கை நீட்டித்து தமிழக முதல்வர் உத்தரவிட்டுள்ளார். இதன்படி, பள்ளி, கல்லூரி உள்ளிட்ட கல்வி வளாகங்கள் அனைத்திற்கும் விதிக்கப்பட்டிருந்த தடை நீக்கப்பட்டுள்ளது.
இந்நிலையில் மாணவர்களுக்கு ஆன்லைன் மூலம் வகுப்புகள் எடுப்பதற்கான நடவடிக்கைகளும் மேற்கொள்ளப்பட்டு வருகின்றனர். அந்த வகையில், தமிழகம் முழுவதும் வரும் 12ம் தேதி முதல் பொறியியல் கல்லூரிகளுக்கான ஆன்லைன் வகுப்புகளை தொடங்க, அண்ணா பல்கலைக்கழகம் உத்தரவிட்டுள்ளது. ஆகஸ்ட் 12 முதல் அக்டோபர் 26 வரை ஆன்லைன் மூலம் மாணவர்களுக்கு பாடம் கற்பிக்கப்படும். அக்டோபர் 28ஆம் தேதி செய்முறை தேர்வு, நவம்பர் 9ஆம் தேதி செமஸ்டர் தேர்வு தொடங்கும் எனவும் அறிவித்துள்ளது.
