பாலிவுட் சினிமாவில் குழந்தை நட்சத்திரமாக அறிமுகமானவர் ஹன்சிகா மோத்வானி. அதன்பிறகு பல்வேறு ஹிந்தி சீரியல்களில் ஹன்சிகா நடித்து வந்தார். இவர் தமிழில் வெளியான மாப்பிள்ளை என்ற திரைப்படத்தின் மூலம் நடிகையாக அறிமுகமானார். இந்தப் படத்திற்கு பிறகு ஹன்சிகா மோத்வானி பல படங்களில் நடித்து ரசிகர்கள் மத்தியில் தனக்கென தனி இடத்தை பிடித்தார். இவர் நடிப்பில் அண்மையில் மகா திரைப்படம் ரிலீஸ் ஆகி நல்ல வரவேற்பை பெற்றது.
இந்த படத்தை தொடர்ந்து 105 நிமிடங்கள், ரவுடி பேபி மற்றும் அரை டஜன் உள்ளிட்ட படங்களில் நடித்து வருகிறார். அதோடு சபரி குரு சரவணன் இயக்கத்தில் ஒரு புதிய படத்திலும் நடித்து வந்தார். இந்தப் படத்தின் தலைப்பு மற்றும் பர்ஸ்ட் லுக் போஸ்டர் தற்போது வெளியாகியுள்ளது. அந்த போஸ்டரில் நடிகை ஹன்சிகா மோத்வானி மிரட்டலான பேய் கெட்டப்பில் நடித்துள்ளார். மேலும் இந்த போஸ்டர் தற்போது ரசிகர்களை கவர்ந்து வைரலாகி வருகிறது.
