மதுக்கடையை திறந்துக்கோங்க…! ஆனால் இதையெல்லாம் செய்யுங்க …!!

தமிழக அரசு நாளை டாஸ்மாக் மதுக்கடைகளை திறக்க பல்வேறு நிபந்தனைகள் விதிக்கப்பட்டுள்ளது.

கொரோனா பரவலை கட்டுப்படுத்தும் நடவடிக்கையாக நாடு முழுவதும் ஊரடங்கு உத்தரவு பிறப்பிக்கப்பட்டதால் தமிழகத்தில் மார்ச் 24ம் தேதியில் இருந்து டாஸ்மாக் மதுபான கடைகள் மூடப்பட்டது. இந்த நிலையில் மே 7ம் தேதி மதுக்கடைகளை திறக்க தமிழக அரசு உத்தரவிட்டது. தமிழகத்தில் நாளுக்கு நாள் கொரோனா பாதிப்பு அதிகரித்து வரும் நிலையில் தமிழக அரசு டாஸ்மாக்கை திறக்க முடிவு செய்ததற்கு பலரும் கண்டனம் தெரிவித்துள்ளனர்.

நீதிமன்றத்தில் வழக்கு:

இந்த நிலையில் தமிழக உத்தரவை எதிர்த்து உயர்நீதிமன்றத்தில் வழக்கு தொடரப்பட்டது. இந்த வழக்கு இன்று விசாரணைக்கு வந்த நிலையில் , டாஸ்மாக் மதுபானங்களை ஆன்லைனில் விற்க முடியுமா? மதுபானங்களை வீடுகளுக்கு நேரடியாக சென்று டெலிவரி செய்ய முடியுமா? என தமிழக அரசுக்கு உயர்நீதிமன்றம் கேள்வி கேள்வி எழுப்பியது. மேலும் மதுக்கடைகளை திறப்பதற்கு பதில் மாற்று ஏற்பாடுகள் செய்ய முடியுமா? மதுக்கடைகளில் கூட்டத்தை கட்டுப்படுத்த எடுக்கப்பட்ட நடவடிக்கைகள் என்ன? என பல்வேறு கேள்விகளை எழுப்பியது.

அரசு விளக்கம்:

இதுகுறித்து பதில் அளிக்க தமிழக அரசின் தலைமை வழக்கறிஞர் விஜயநாரயணனுக்கு உத்தரவிட்டனர். இந்த வழக்கு மீண்டும் விசாரணைக்கு வந்த நிலையில், மதுவை ஆன்லைனில் விற்க முடியாது என தமிழக அரசு விளக்கம் அளித்துள்ளது. கொரோனா முடிய நாளாகும் என்பதால் மற்ற கடைகளை போல மதுக்கடைகளை திறக்கப்படுகிறது. மொத்த விற்பனை செய்யப்படமாட்டாது, தனி நபர்களுக்கு மட்டுமே விற்பனை செய்யப்படும் என அரசு தரப்பு வழக்கறிஞர் குறிப்பிட்டுள்ளார்.

நீதிமன்றம் உத்தரவு:

இதனையடுத்து டாஸ்மாக் கடைகளை திறக்க தடை கோரிய மனுக்களை தள்ளுபடி செய்து, நாளை டாஸ்மாக் மதுக்கடைகளை திறக்க தடை இல்லை என உயர்நீதிமன்றம் அதிரடியாக  அறிவித்துள்ளது. மேலும் பல நிபந்தனை விதித்து நீதிபதி இந்த உத்தரவை தெரிவித்தார்.

நீதிமன்றம் என்ன சொன்னது?

சமூக விலகல் போன்ற பாதுகாப்பு வழிமுறைகளுடன் டாஸ்மாக் கடைகள் செயல்படலாம் என குறிப்பிட்டுள்ளது.

தனி மனித இடைவெளியை முழுமையாக கடைப்பிடிக்க வேண்டும்.

பாதுகாப்பு நடவடிக்கைகள் டிஜிபி உத்தர விட்டது போல முழுமையாக கடைபிடிக்க வேண்டும்.

மதுபானக் கடைகளின் பார்களை திறக்கக் கூடாது. 

மூன்று நாளைக்கு ஒருமுறை ஒருவருக்கு ஒரு பாட்டில் மட்டுமே விற்க வேண்டும்.

மதுவங்குவோரின் பெயர், முகவரி, ஆதார் தரப்பட வேண்டும்.

ஆன்லைன் மூலமாக பணம் செலுத்தும் நடைமுறை கொண்டு வர வேண்டும்.

ஆன்லைன் மூலம் வாங்குவோருக்கு இரண்டு மது பாட்டில் வழங்கலாம்.

டாஸ்மார்க் கடைகளை மூடுவதற்கு உத்தரவிட வில்லை என்றாலும் அது எப்படி செயல்படுகின்றது  என நீதிமன்றம் தொடர்ந்து கண்காணித்துக் கொண்டிருக்கும்.

நீதிமன்ற உத்தரவு மீறப்படுமானால் டாஸ்மாக் கடைகளை மூடுவதற்கு உத்தரவிட நேரிடும் என்ற எச்சரிக்கையும் நீதிபதிகள் தெரிவித்திருக்கின்றார்.