60-க்கும் மேற்பட்ட நாடுகளைச் சேர்ந்த 2000 கலைஞர் பங்கேற்ற உலக நாட்டுப்புறக்கலை விழா வெகு விமர்சையாக கொண்டாடப்பட்டது.
ரஷ்யாவில் 6-வது உலக நாட்டுப்புறக்கலை விழா மிக பிரம்மாண்டமாக கொண்டாடப்பட்டது. இந்த உலக நாட்டுப்புறக்கலை விழா 4 வருடங்களுக்கு ஒருமுறை யுனெஸ்கோ நிறுவனத்தின் ஏற்பாட்டில் கொண்டாடப்பட்டு வருகின்றது. இந்த விழா கடந்த 1996ஆம் ஆண்டு முதல் முறையாக நெதர்லாந்தில் தொடங்கப்பட்டது. இதைத் தொடர்ந்து ஜப்பான், தென்கொரியா ஹங்கேரி மற்றும் மெக்சிகோ ஆகிய நாடுகளில் இந்த நாட்டுப்புறக் கலைவிழா நடைபெற்றுள்ளது .
இந்நிலையில் இந்த ஆண்டு ரஷ்யாவில் உலக நாட்டுப்புறக்கலை விழா நடைபெற்றது . இந்த நிகழ்ச்சியில் பங்கேற்பதற்காக 60-க்கும் மேற்பட்ட நாடுகளைச் சேர்ந்த சுமார் 2000 கலைஞர்கள் உஃபா நகரில் குவிந்துள்ளனர். மேலும் இந்த நிகழ்ச்சி உலகளவில் அதிக நாடுகளைச் சேர்ந்த கலைஞர்கள் ஒன்று கூடி நடத்தப்பட்ட நாட்டுப்புறகலை விழா என்ற புதிய சாதனையை படைத்துள்ளது.