தமிழகத்தில் தொடர்ந்து 6-வது நாளாக நேற்றும் 5 ஆயிரத்திற்கும் கீழ் கொரோனா பாதிப்பு ஏற்பட்டுள்ளது.
ஒரே நாளில் 57 பேர் உயிரிழந்துள்ளனர். தமிழகத்தில் கொரோனா வைரஸ் வேகமாக பரவி வரும் நிலையில் நேற்று ஒரே நாளில் நான்காயிரத்து 295 பேருக்கு கொரோனா தொற்று நேற்று உறுதி செய்யப்பட்டுள்ளது. இதனால் கொரோனாவால் பாதிக்கப்பட்டோர் எண்ணிக்கை 6 லட்சத்து 83 ஆயிரத்து 486 ஆக உயர்ந்துள்ளது. ஒரே நாளில் கொரோனா தொற்றால் 57 பேர் உயிரிழந்துள்ள நிலையில் உயிரிழந்தோரின் எண்ணிக்கை 10 ஆயிரத்து 586 ஆக அதிகரித்துள்ளது.
சென்னையில் நேற்று ஒரே நாளில் 1,132 பேர் வைரஸ் தொற்றுக்கு ஆளாகியுள்ளனர். இவர்களுடன் சேர்த்து சென்னையில் இதுவரை பாதிக்கப்பட்டோர் எண்ணிக்கை ஒரு லட்சத்து 88 ஆயிரத்து 944 ஆக உயர்ந்துள்ளது. தமிழகத்தில் நேற்று 5 ஆயிரத்து 5 பேர் கொரோனாவில் இருந்து குணமடைந்துள்ளனர். இதுவரை 6,32,708 பேர் கொரோனாவில் இருந்து மீண்டு உள்ளனர்.