ஒருவாரகாலமாக ஆள் நடமாட்டம் இல்லாத பகுதியில் கரடியிடம் சிக்கிய நபரை அமெரிக்கா கடலோர காவல்படையினர் மீட்டுள்ளனர்.
அமெரிக்காவின் அலாஸ்கா மாகாணத்தில் கோடியாக் என்ற பகுதி அமைந்துள்ளது. அந்த பகுதி வழியாக அமெரிக்கா கடலோர காவல் படையினர் குழு Kotzebue-விலிருந்து Nome-க்கு ஹெலிகாப்டர் மூலமாக சென்றுள்ளனர். அப்போது ஒரு குடிலின் மேல் SOS என்ற அவசர உதவி குறிப்பை கண்டுள்ளனர். அதுமட்டுமின்றி ஒருவர் குடிலின் மேல் ஏறி இருகைகளையும் அசைத்து தன்னை காப்பாற்றும்படி கேட்டுக்கொண்டிருந்தார். இதனை தொடர்ந்து அமெரிக்கா கடலோர காவல்படையினர் ஆள் நடமாட்டமில்லாத இடத்திலிருந்து அவரை மீட்டுள்ளனர்.
மேலும் அவரின் கால்களிலும் முகத்திலும் காயங்கள் இருந்துள்ளது. இதனால் NOMEல் உள்ள சிறிய விமான நிலையத்திற்கு அழைத்துச் சென்று அவருக்கு முதலுதவி அளித்துள்ளனர். பின்னர் அவரிடம் விசாரித்ததில் தான் ஆளில்லாத பகுதியில் சிக்கிக் கொண்டதாகவும் அங்கிருந்த கரடி ஒன்று ஒரு வார காலமாக தன்னை தாக்கி கொல்ல முயற்சித்ததாகவும் கூறியுள்ளார்.