பா.ரஞ்சித் தயாரிப்பில் யோகி பாபு நடிக்கும் புதிய படத்தின் டைட்டில் அறிவிக்கப்பட்டுள்ளது.
தமிழ் திரையுலகில் பிரபல இயக்குனர் வெங்கட் பிரபுவிடம் இணை இயக்குனராக பணியாற்றியவர் பா.ரஞ்சித். இவர் அட்டகத்தி படத்தின் மூலம் இயக்குனராக அறிமுகமானார். இதைத்தொடர்ந்து இவர் இயக்கத்தில் வெளியான மெட்ராஸ் திரைப்படம் நல்ல வரவேற்பை பெற்றது. இதன் பின்னர் சூப்பர் ஸ்டார் ரஜினியை வைத்து கபாலி, காலா என அடுத்தடுத்த படங்களை இயக்கினார். மேலும் பா.ரஞ்சித் படங்கள் இயக்குவது மட்டுமல்லாது தயாரிப்பதிலும் ஆர்வம் காட்டி வருகிறார் .
இவர் தயாரிப்பில் வெளியான பரியேறும் பெருமாள் ,இரண்டாம் உலகப் போரின் கடைசி குண்டு ஆகிய படங்கள் பலராலும் பாராட்டப்பட்டது . இந்நிலையில் இயக்குனர் பா.ரஞ்சித் அடுத்ததாக தயாரிக்கும் படம் குறித்த அறிவிப்பு வெளியாகியுள்ளது . அறிமுக இயக்குனர் ஷான் இயக்கும் இந்தப் படத்தில் நகைச்சுவை நடிகர் யோகிபாபு கதாநாயகனாக நடிக்கிறார். ‘பொம்மை நாயகி’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு இன்று தொடங்கியுள்ளது.