வங்காளதேசத்தில் சுற்றுப்பயணம் மேற்கொள்ள உள்ள பாகிஸ்தான் அணி 3 டி20 மற்றும் 2 டெஸ்ட் போட்டிகளில் விளையாட உள்ளது .
பாகிஸ்தான் அணி இந்த மாத இறுதியில் வங்காளதேசத்தில் சுற்றுப்பயணம் மேற்கொண்டு 3 டி20 மற்றும் 2 டெஸ்ட் போட்டிகளில் விளையாடுகிறது .இதில் டி 20 போட்டி வருகின்ற 19-ஆம் தேதி முதல் தொடங்கி 22-ஆம் தேதி வரை நடைபெறுகிறது. இதையடுத்து முதல் டெஸ்ட் போட்டி நவம்பர் 26 -ஆம் தேதியும் ,2-வது டெஸ்ட் போட்டியின் டிசம்பர் 4-ஆம் தேதியும் நடைபெற உள்ளது.
இதில் டி20போட்டிக்கான பாகிஸ்தான் அணி அறிவிக்கப்பட்டுள்ள நிலையில்,டெஸ்ட் போட்டிக்கான 20 பேர் கொண்ட பாகிஸ்தான் அணி அறிவிக்கப்பட்டுள்ளது.இந்த டெஸ்ட் போட்டியில் இரண்டு வருடங்களுக்கு பிறகு அணியில் தொடக்க வீரரான இமாம் உல் ஹக் மீண்டும் இணைந்துள்ளார்.இதற்கு முன்னதாக கடந்த 2019ஆம் ஆண்டு நடந்த ஆஸ்திரேலிய அணிக்கு எதிரான டெஸ்ட் போட்டியின் போது பாகிஸ்தான் அணியில் இடம் பெற்றிருந்தார் என்பது குறிப்பிடத்தக்கது.
பாகிஸ்தான் டெஸ்ட் அணி: பாபர் ஆசாம் (கேப்டன் ), முகமது ரிஸ்வான், அப்துல்லா ஷஃபீக், அபித் அலி, அசார் அலி, பிலால் ஆசிஃப், ஃபஹீம் அஷ்ரஃப், ஹசன் அலி, ஃபவாத் ஆலம், இமாம்-உல்-ஹக், கம்ரான் குலாம், முகமது அப்பாஸ், முகமது நவாஸ், நசீம் ஷா, நௌமன் அலி, சஜித் கான், சர்ஃப்ராஸ் அகமது, சவுத் ஷகீல், ஷஹீன் ஷா அஃப்ரிடி, ஜாஹித் மஹ்மூத்