பாகிஸ்தான் சூப்பர் லீக் டி20 தொடரில் நடந்த இறுதிப்போட்டியில் வெற்றி பெற்ற லாகூர் குவாலண்டர்ஸ் அணி முதல் முறையாக சாம்பியன் பட்டத்தைக் கைப்பற்றியது.
பாகிஸ்தான் கிரிக்கெட் வாரியம் ஆண்டுதோறும் பிப்ரவரி-மார்ச் மாதங்களில் பாகிஸ்தான் சூப்பர் லீக் டி20 தொடரை நடத்தி வருகிறது.இந்த நிலையில் பாகிஸ்தான் சூப்பர் லீக்கில் இறுதிப்போட்டியில் முல்தான் சுல்தான்ஸ் – லாகூர் குவாலண்டர்ஸ் அணிகள் மோதின. இதில் டாஸ் வென்ற லாகூர் அணி பேட்டிங்கை தேர்வு செய்தது. அதன்படி முதலில் களமிறங்கிய லாகூர் அணி 20 ஓவர் முடிவில் 5 விக்கெட் இழப்புக்கு 180 ரன்கள் எடுத்தது.இதில் அதிகபட்சமாக முகமது ஹபீஸ் 69 ரன்னும் , புரூக் 41 ரன்னும் எடுத்தனர்.முல்தான் அணி தரப்பில் ஆசிப் அப்ரிடி 3 விக்கெட் கைப்பற்றினார்.
இதன்பிறகு 181 ரன்கள் வெற்றி இலக்காக கொண்டு முல்தான் அணி களமிறங்கியது. இறுதியாக 20 ஓவர் முடிவில் அனைத்து விக்கெட் இழப்புக்கு 138 ரன்னில் சுருண்டது. இதில் அதிகபட்சமாக குஷ்தில் ஷா 32 ரன்கள் எடுத்தார்.லாகூர் அணி தரப்பில் ஷஹீன் அப்ரிடி 3 விக்கெட், ஹபீஸ், சமான் கான் ஆகியோர் தலா 2 விக்கெட் கைப்பற்றினர் .இதன்மூலம் லாகூர் குவாலண்டர்ஸ் அணி முதல் முறையாக சாம்பியன் பட்டத்தைக் கைப்பற்றியது.