சூப்பர் 12 போட்டியில் பாகிஸ்தான் அணிக்கு 128 ரன்கள் இலக்காக நிர்ணயித்துள்ளது வங்கதேச அணி.
ஆஸ்திரேலியாவில் டி20 உலக கோப்பை கிரிக்கெட் போட்டி நடைபெற்ற வருகிறது. இன்றோடு 12 அணிகள் பங்கேற்று வந்த சூப்பர் 12 சுற்று போட்டிகள் அனைத்தும் முடிவடைகிறது. ஏற்கனவே குரூப் 1 பிரிவிலிருந்து நியூசிலாந்து மற்றும் இங்கிலாந்து அணிகள் அரை இறுதிக்கு சென்றுள்ளது. இன்று மொத்தம் 3 போட்டிகள் நடைபெறுகிறது. அதில் முதலில் அடிலெய்டு ஓவல் மைதானத்தில் நடைபெற்ற போட்டியில் நெதர்லாந்து அணியிடம் தோல்வி அடைந்ததால் தென் ஆப்பிரிக்க அணி அரை இறுதியை விட்டு வெளியேறியது. இந்நிலையில் பாகிஸ்தான் மற்றும் வங்கதேச அணிகள் அடிலெய்டு ஓவல் மைதானத்தில் இந்திய நேரப்படி 9:30 மணிக்கு மோதியது.
இதில் டாஸ் வென்ற வங்கதேச அணி முதலில் பேட்டிங்கை தேர்வு செய்தது. அதன்படி அந்தணியில் துவக்க வீரர்களாக ஷாண்டோ மற்றும் லிட்டன் டாஸ் இருவரும் களமிறங்கினர். இதில் லிட்டன் தாஸ் 10 ரன்னில் அவுட் ஆனார். இதையடுத்து ஷாண்டோ – சௌமியா சர்க்கார் இருவரும் ஜோடி சேர்ந்தனர். இந்த ஜோடி பொறுப்பான ஆட்டத்தை வெளிப்படுத்தி வந்த நிலையில், ஷதாப் கான் வீசிய 11ஆவது ஓவரின் 4ஆவது பந்தில் சர்க்கார் 20 ரன்னில் அவுட் ஆனார். தொடர்ந்து அடுத்த பந்தில் ஷாகிப் அல் ஹசன் எல்.பி.டபிள்யூவால் டக் அவுட் ஆனார்.
இதற்கிடையே துவக்க வீரர் ஷாண்டோ அரைசதம் அடித்து சிறப்பாக ஆடிவந்த நிலையில், 48 பந்தில் 7 பவுண்டரி உட்பட 54 ரன்கள் எடுத்து அவுட் ஆனார். அஃபிஃப் ஹொசைன் 24 ரன்கள் எடுத்து அவுட்டாகாமல் களத்தில் இருந்தார். மற்றபடி யாரும் சொல்லிக்கொள்ளும் அளவிற்கு ரன்கள் சேர்க்கவில்லை. பாகிஸ்தான் அணி சிறப்பாக பந்துவீசி கட்டுப்படுத்தியது.
இறுதியில் 20 ஓவர் முடிவில் வங்கதேச அணி 8 விக்கெட்டுகளை இழந்து 127 ரன்கள் மட்டுமே எடுத்தது. பாகிஸ்தான் அணியில் அதிகபட்சமாக ஷாகின் அப்ரிடி 4 விக்கெட்டுகளும், ஷதாப் கான் 2 விக்கெட்டுகளும், ஹரிஸ் ரவூப் மற்றும் இப்திகார் அகமது தலா ஒரு விக்கெட்டும் வீழ்த்தினர். இதையடுத்து பாகிஸ்தான் அணி வெற்றி பெற்று அரையிறுதிக்கு செல்லும் முனைப்புடன் களமிறங்கி ஆடி வருகிறது.
Pakistan restrict Bangladesh to 127/8 👏
Who is winning this?#T20WorldCup | #PAKvBAN | 📝: https://t.co/eA8evvzzw5 pic.twitter.com/A7ozgdMIyv
— ICC (@ICC) November 6, 2022