பால் வியாபாரி வீட்டில் நகை, பணம், வெள்ளி பொருட்களை மர்ம நபர்கள் கொள்ளையடித்து சென்றுள்ளனர்.
கடலூர் மாவட்டத்தில் உள்ள கொக்குப்பாளையம் கிராமத்தில் வரதராஜன் என்பவர் வசித்து வருகிறார். இவர் ஒரு பால் வியாபாரி. இந்நிலையில் தனது குடும்பத்துடன் உறவினர் வீட்டின் சுப நிகழ்ச்சியில் கலந்து கொள்வதற்காக சென்றுள்ளார். இதனை அடுத்து நிகழ்ச்சியை முடித்து விட்டு வீட்டிற்கு வந்த போது பின்பக்க கதவு உடைக்கப்பட்டு இருந்ததை கண்டு அதிர்ச்சி அடைந்துள்ளார்.
அதன் பின் உள்ளே சென்று பார்த்த போது பீரோவில் வைத்திருந்த 4 பவுன் தங்க நகை, 70,000 ரூபாய் ரொக்கப்பணம் மற்றும் 2 கிலோ வெள்ளி பொருட்களை மர்ம நபர்கள் கொள்ளையடித்து சென்றது தெரியவந்துள்ளது. இதனைத் தொடர்ந்து வரதராஜன் காவல்நிலையத்தில் புகார் அளித்துள்ளார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.