மொபட் மீது கார் மோதிய விபத்தில் இளம் பெண் உயிரிழந்த சம்பவம் சோகத்தை ஏற்படுத்தியுள்ளது.
ராமநாதபுரம் மாவட்டம் இஸ்மாயில் பகுதியில் பூபதி என்பவர் தனது குடும்பத்துடன் வசித்து வருகின்றார். இவருக்கு அருணாதேவி என்ற மனைவி இருந்துள்ளார். இவர் சிவகங்கை பகுதியில் அமைந்துள்ள நிறுவனத்தில் பணிபுரிந்து வந்துள்ளார். இந்நிலையில் அருணாதேவி தனது வீட்டிலிருந்து பணிக்காக மொபட்டில் காளையார் கோவில் பகுதியில் சென்று கொண்டிருந்தார். அப்போது அவ்வழியாக வேகமாக சென்ற கார் அருணா தேவியின் மொபட் மீது மோதி விட்டது.
இந்த விபத்தில் கீழே விழுந்த அருணாதேவி பலத்த காயம் அடைந்ததால் சம்பவ இடத்திலேயே பரிதாபமாக உயிரிழந்து விட்டார். இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று அருணா தேவியின் உடலை மீட்டு உடற்கூறு ஆய்வுக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் விபத்தை ஏற்படுத்திய கார் டிரைவரான கிறிஸ்து ராஜா என்பவரை கைது செய்து தீவிர விசாரணை மேற்கொண்டு வருகின்றனர்.