பணியின்போது இறந்த காவலரின் குடும்பத்தினருக்கு நிதியுதவி வழங்கப்பட்டது.
திருநெல்வேலி மாவட்டத்திலுள்ள பத்தமடை காவல் நிலையத்தில் சிறப்பு சப்-இன்ஸ்பெக்டராக சுடலைமுத்து என்பவர் பணியாற்றி வந்துள்ளார். இவர் கடந்த 2019-ஆம் ஆண்டு ஆகஸ்ட் மாதம் 19-ஆம் தேதி பணியில் ஈடுபட்டிருக்கும் போது உடல் நலக்குறைவால் உயிரிழந்தார். இதே போன்று நாங்குநேரி காவல் நிலையத்தில் காவலராக ஆறுமுகம் என்பவர் பணியாற்றி வந்துள்ளார்.
இவர் கடந்த 2019-ஆம் ஆண்டு நவம்பர் மாதம் 29-ஆம் தேதி விபத்தில் உயிரிழந்தார். இந்நிலையில் தமிழக முதலமைச்சர் பொது நிவாரண நிதியிலிருந்து 2 பேரின் குடும்பத்திற்கும் தலா 3 லட்சம் வழங்கும் நிகழ்ச்சி நெல்லை மாவட்ட போலீஸ் சூப்பிரண்டு அலுவலகத்தில் நடைபெற்றது. அப்போது மாவட்ட போலீஸ் சூப்பிரண்டு மணிவண்ணன் பணியின் போது உயிரிழந்த காவலர்கள் குடும்பத்துக்கு தலா 3 லட்சத்துக்கான காசோலையை வழங்கினார்.