பன்றி திருடிய 3 பேரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள கோட்டராங்குளம் பகுதியில் முருகேஷ் என்பவர் வசித்து வருகிறார். இவர் பன்றிகளை மேய்க்கும் தொழில் செய்து வருகிறார். இந்நிலையில் முருகேஷ் பன்றிகளை கூண்டில் அடைத்து விட்டு வீட்டிற்கு சென்றுள்ளார். இதனையடுத்து முருகேஷ் மறுநாள் காலையில் வந்து பார்க்கும் போது பன்றிகள் காணாமல் போனதைக் கண்டு அதிர்ச்சி அடைந்துள்ளார்.
இதுகுறித்து முருகேசன் விக்கிரமசிங்கபுரம் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் விசாரணை நடத்தினர். அந்த விசாரணையில் பன்றிகளை திருடியது ஆலடியூர் பகுதியில் வசிக்கும் ராஜா, பாலமுருகன், இசக்கிமுத்து உள்பட 5 பேர் என்பது காவல்துறையினருக்கு தெரிய வந்துள்ளது. இதனையடுத்து காவல்துறையினர் அவர்கள் 3 பேரையும் கைது செய்துள்ளனர்.