பார்த்திபன் இயக்கும் புதிய படத்திற்கு ஏ ஆர் ரகுமான் இசையமைக்க உள்ளார்.
தமிழ் சினிமாவில் நடிகராக இருந்து தற்போது வித்தியாசமான கதையம்சம் கொண்ட படங்களை இயக்கி வருபவர் பார்த்திபன். குறிப்பாக இவர் இயக்கி கடந்த 2019ஆம் ஆண்டு வெளியான ஒத்த செருப்பு திரைப்படம் இரண்டு தேசிய விருதுகளை வென்றுள்ளது.
இதைதொடர்ந்து பார்த்திபன் தற்போது ‘இரவின் நிழல்’ என்ற புதிய படத்தை இயக்க உள்ளார். குறிப்பாக இப்படத்தை ஒரே ஷாட்டில் எடுக்க அவர் திட்டமிட்டுள்ளார் என்று தெரியவந்துள்ளது. மேலும் இப்படத்திற்கு ஏ ஆர் ரகுமான் இசையமைக்க உள்ளார் என்று பார்த்திபன் அறிவித்துள்ளார். இச்செய்தி ரசிகர்களிடம் இப்படத்திற்கான எதிர்பார்ப்பை அதிகரித்துள்ளது.
