பாலிவுட் சினிமாவில் பிரபலமான நடிகராக இருக்கும் ஷாருக்கான் தற்போது பதான் என்ற திரைப்படத்தில் நடித்துள்ளார். இந்த படத்தில் தீபிகா படுகோனே ஹீரோயின் ஆக நடித்துள்ளார். இந்த படத்தின் முதல் பாடலான் பேஷ் ரங் அண்மையில் வெளியான நிலையில் தொடர்ந்து படத்திற்கு எதிர்ப்புகள் கிளம்பி வருகிறது. அதாவது நடிகை தீபிகா படுகோனே காவி நிறத்தில் பிகினி உடை அணிந்து நடனமாடி இருப்பார். காவி உடை புனிதமான நிறம் என்று இந்துக்கள் எதிர்ப்பு தெரிவித்து வரும் நிலையில், அளவுக்கு அதிகமான ஆபாச காட்சிகள் இருப்பதாக கூறி முஸ்லிம்களும் எதிர்ப்பு தெரிவித்து வருகிறார்கள். அதோடு மத்திய மந்திரி நரோட்டா மிஸ்ரா படத்தில் இடம்பெற்ற காவி நிற உடை மற்றும் அந்த பாடல் வரிகள் போன்றவற்றை நீக்காவிட்டால் படம் திரையிடப்பட மாட்டாது என்று எச்சரித்துள்ளார்.
அதன் பிறகு பதான் திரைப்படம் ரிலீஸ் ஆகும் திரையரங்குகளை கொளுத்துவோம் என்று ஹனுமன் காரி அமைப்பு எச்சரித்துள்ளது. சத்தீஸ்கர் மாநில முதல்வரும் பதான் படத்திற்கு கடும் எதிர்ப்பு தெரிவித்து இருந்தார். இப்படி பதான் படத்திற்கு தொடர்ந்து எதிர்ப்புகள் கிளம்பியுள்ள நிலையில், நடிகர் ஷாருக்கான் தன்னுடைய டுவிட்டரில் ஒரு பதிவை வெளியிட்டுள்ளார். அதில் பதான் திரைப்படம் எப்படிப்பட்ட படம் என்று என்னிடம் பலரும் கேட்கிறார்கள். பதான் படம் ஒரு தேச பக்தி படம். சமூக வலைதளங்களில் தொடர்ந்து மோசமான கருத்துக்கள் வருகிறது. நான் நேர்மறையாகவே இருக்கிறேன் என்று பதிவிட்டுள்ளார். மேலும் நடிகர் ஷாருக்கானின் பதிவு தற்போது வலைதளத்தில் வைரலாகி வருகிறது.