பெங்களூரு நகரத்தின் பல்வேறு இடங்களில் உள்ள சுவர்களில் qr கோடுடன் PAYCM என்று எழுதி கர்நாடக முதலமைச்சர் பசவராஜ் பொம்மையின் புகைப்படத்துடன் கூடிய போஸ்டர்கள் ஒட்டப்பட்டுள்ளது.ஆளும் அரசு அனைத்து செயல்களுக்கும் 40 விழுக்காடு கமிஷன் வாங்குவதாக குற்றம் சாட்டிய காங்கிரஸ் கட்சியினர் இவ்வாறு போஸ்டர்களை ஒட்டி நூதன முறையில் போராட்டம் நடத்தி வருகிறார்கள்.
கர்நாடக மாநில காங்கிரஸ் கட்சியினர், “இங்கே 40 சதவீத கமிஷன் பெறப்படும்” என்ற வாசகத்துடன் முதலமைச்சர் பசவராஜ் பொம்மைக்கு பணம் செலுத்துவதை குறிக்கும் வகையில் “Pay CM” என்று எழுதி முதலமைச்சர் பசவராஜ் பொம்மையின் புகைப்படத்துடன் கூடிய QR கோடு போஸ்டரை ஒட்டி உள்ளனர். இந்நிலையில் இந்த போஸ்டர்களை ஒட்டியவர் மீது காவல்துறையினர் வழக்கு பதிவு செய்துள்ளனர்.