14-வது சீசன் ஐபிஎல் தொடர் இந்தியாவில் கடந்த ஏப்ரல் 9-ஆம் தேதி முதல் தொடங்கி நடைபெற்று வந்தது .ஆனால் கொரோனா தொற்று பாதிப்பு காரணமாக போட்டி பாதியில் நிறுத்தப்பட்டது. இதில் 29 லீக் போட்டிகள் முடிந்த நிலையில் ,மீதமுள்ள போட்டிகள் ஐக்கிய அரபு அமீரகத்தில் விறுவிறுப்பாக நடைபெற்று வருகிறது.
இதில் இன்று நடைபெறும் 32-வது லீக் ஆட்டத்தில் பஞ்சாப் கிங்ஸ் – ராஜஸ்தான் ராயல்ஸ் அணிகள் மோதுகின்றன .இதில் டாஸ் வென்ற பஞ்சாப் அணி பந்துவீச்சை தேர்வு செய்தது. அதன்படி முதலில் ராஜஸ்தான் அணி களமிறங்கியது. இதன் தொடக்க வீரர்களாக எவின் லூயிஸ்- ஜெய்ஸ்வால் ஜோடி களமிறங்கினர். இருவரும் நிதான ஆட்டத்தை வெளிப்படுத்தினர்.
இதில் அதிரடியாக விளையாடிய எவின் லூயிஸ் 7 பவுண்டரி ,ஒரு சிக்சர் அடுத்து விளாசி 36 ரன்னில் ஆட்டமிழந்தார்.இதன்பிறகு களம் இறங்கிய கேப்டன் சஞ்சு சாம்சன் 4 ரன்னில் வெளியேறினார்.அடுத்ததாக களமிறங்கிய லியாம் லிவிங்ஸ்டோன்,ஜெய்ஸ்வாலுடன் ஜோடி சேர்ந்துள்ளார் .இதில் 10 ஓவரில் ராஜஸ்தான் அணி 2 விக்கெட் இழப்புக்கு 94 ரன்கள் எடுத்துள்ளது .