மற்ற நாடுகளைக் காட்டிலும் இந்தியாவில் அதுவும் தமிழகத்தில் தங்கநகை என்றாலே தனி இடம் உண்டு.
நகைக்கடைக்கு செல்லும் வாடிக்கையாளர்கள் இனி KYC ஆவணங்கள் கட்டாயம் கொண்டு செல்ல வேண்டும். இனி நகை கடைக்கு சென்று நகை வாங்குபவர்கள் நகை கடைக்காரரிடம் தங்களுடைய KYC ஆவணங்கள், பான் கார்டு மற்றும் ஆதார் கார்டு போன்ற ஆவணங்களை கட்டாயம் காட்ட வேண்டும். ஏனெனில் நகை கடைக்காரர்கள் இந்த ஆவணங்களை 2 லட்சத்திற்கும் குறைவாக தங்கம் வாங்குபவர்களுக்கு கேட்கின்றனர். வரவிருக்கும் வரவு-செலவுத் திட்டத்தில் அனைத்து பரிவர்த்தனைகளும் KYC யை அரசாங்கம் கட்டாயமாக்க கூடும் என்பதால் நகை கடைக்காரர்கள் பயப்படுகிறார்கள்.
எகனாமிக் டைம்ஸ்ன் அறிக்கையின்படி, “தங்க ஆபரண துறைக்கு பண மோசடி தடுப்புச் சட்டம் அறிமுகப்படுத்தப்பட்ட பிறகு சந்தேகத்துக்கு இடமான பரிவர்த்தனைகள் ஏதாவது நடைபெற்றால், அரசாங்க நிறுவனங்கள் தங்களை பிடித்துவிடும் என்று நகை கடைக்காரர்களுக்கு அச்சம் ஏற்பட்டுள்ளது. தற்போது தங்கத்தைத் தவிர அனைத்து சொத்துகளுக்கும் எந்த ஒரு பரிவர்த்தனைக்கும் கூட KYC ஆவணங்கள் கட்டாயம் தேவைப்படுகிறது. ஆனால் தங்கத்தை பொருத்தவரை ஒரு லட்சத்துக்கு மேற்பட்ட மதிப்புள்ள தங்கத்தை வாங்கினால் ஆவணங்களை சமர்ப்பிக்க வேண்டும்.
மேலும் நகை கடைக்காரர்கள் சந்தேகத்துக்கு இடமான எல்லா பரிசோதனைகளையும் ஒரு மாதத்தில் 10 லட்சத்திற்கும் மேல் அரசு அதிகாரிகளுக்கு தெரிவிக்க வேண்டும் என்று கூறப்பட்டுள்ளது. அந்த பரிவர்த்தனைகள் ஏதேனும் முரண்பாடுகள் இருப்பதை கண்டறியப்பட்டால் நகைக்கடைக்காரர்களை கைது செய்வதற்கான வாய்ப்பும் இருக்கிறது என்றும் தெரிவித்துள்ளார். ஆனால் வாடிக்கையாளர்கள் KYC விவரங்களை கடைக்காரர்களிடம் பகிர்ந்து கொள்ள மறுப்பதால் இது பல குழப்பங்களையும் உருவாக்கியுள்ளது.