பேரிடர் காலங்களில் தண்ணீரில் செல்லும் மிதவை சைக்கிள்…!!

ராமநாதபுரம் மாவட்டம் கீழக்கரையைச் சேர்ந்த இரட்டையர்கள் பேரிடர் காலங்களில் தண்ணீரில் செல்லும் மிதவை சைக்கிளை உருவாக்கியுள்ளனர்.

ராமநாதபுரம் மாவட்டம் கீழக்கரையைச் சேர்ந்த இரட்டையர்கள் அசாருதீன் மற்றும் நசுருதீன் ஆம்புலன்ஸ் ஓட்டுநராக பணிபுரிந்து வரும் அவர்கள் பேரிடர் காலங்களில் தண்ணீரில் சிக்கி கொள்வோரை மீட்கும் வகையில் தண்ணீரில் மிதக்கும் மிதவை சைக்கிளை உருவாக்கியுள்ளனர்.

தண்ணீர் கேன் கொண்டு உருவாக்கப்பட்டுள்ள இந்த மிதவை சைக்கிள் 10 கிலோ மீட்டர் வேகத்தில் செல்லக்கூடியது. மேலும் இதில் 180 கிலோ எடை வரை ஏற்றிச் செல்லலாம். குறைந்தது மூன்று பேர் பயணிக்கும் வகையில் உருவாக்கப்பட்டுள்ள இந்த மிதவை சைக்கிள் கீழக்கரை கடற்கரையில் பரிசோதனைக்கு உட்படுத்தப்பட்டது.