அரசு பேருந்தை மாணவர்கள் சிறைபிடித்து போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டத்தில் மணப்படைவீடு பகுதியில் செல்லும் அரசுப் பேருந்துகள் சரியான நேரத்தில் பேருந்துகள் வராததால் பாளையங்கோட்டை பகுதிக்கு பள்ளி, கல்லூரிக்கு செல்லும் மாணவ மாணவிகள் மிகவும் அவதிப்பட்டு வந்துள்ளனர். இதனால் மிகவும் ஆத்திரமடைந்த அந்த பகுதி மக்கள், பள்ளி, கல்லூரி மாணவ மாணவிகள் மணப்படை வீடு பகுதிக்கு வந்த அரசு பேருந்தை சிறை பிடித்து போராட்டத்தில் ஈடுபட்டுள்ளனர்.
இதனையடுத்து அந்த பேருந்தின் டிரைவர் மற்றும் கண்டெக்டர் பேருந்தை சிறைபிடித்தவர்களிடம் பேச்சுவார்த்தை நடத்தினர். இதனைத் தொடர்ந்து பேருந்தை சிறைபிடித்தவர்கள் போராட்டத்தை கைவிட்டு அங்கிருந்து கலைந்து சென்றனர்.