பெட்ரோல் , டீசல் விலை மேலும் 3 உயர்வதால் பொதுமக்கள் அதிர்ச்சி அடைந்துள்ளனர்.
சர்வதேச சந்தை கச்சா எண்ணெய்யின் விலையை பொறுத்து இந்தியாவில் பெட்ரோல் மற்றும் டீசல் விலை நிர்ணையிக்கப்படுகிறது. அதே போல எண்ணெய் நிறுவனங்கள் தினந்தோறும் அதன் விலையை மாற்றியமைத்துக் கொள்ள அரசு அனுமதித்துள்ளது. அந்த வகையில் எண்ணெய் நிறுவனங்கள் தினந்தோறும் பெட்ரோல், டீசல் விலையை நிர்ணையித்து வருகின்றன.
இந்நிலையில் பெட்ரோல் டீசல் விலை மீதான கலால் வரி லிட்டருக்கு ரூபாய் 3 உயர்கிறது. சர்வதேச சந்தையில் கச்சா எண்ணெயின் விலை கடும் சரிவை சந்தித்ததால் பெட்ரோல் டீசல் மீதான கலால் வரியை ரூ 3 உயர்த்தி மத்திய அரசு அறிவித்துள்ளது. பெட்ரோல் டீசல் விலையை மேலும் குறைக்க வேண்டும் என்ற கோரிக்கை எழுந்துள்ள நிலையில் விலையை உயர்த்தி உள்ள மத்திய அரசின் நடவடிக்கையால் வாகன ஓட்டிகள் அதிர்ச்சி அடைந்துள்ளனர்.