பெட்ரோல் பங்க் ஊழியரை தாக்கியவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள பாளையங்கோட்டை பகுதியில் மோகனராம் என்பவர் வசித்து வருகிறார். இவர் ஆச்சிமடம் அருகில் உள்ள பெட்ரோல் பங்கில் காசாளராக பணியாற்றி வருகிறார். இந்நிலையில் மோகனராம் பெட்ரோல் பங்கில் பணியிலிருந்து கொண்டிருந்தபோது முத்தாலங்குறிச்சி பகுதியில் வசிக்கும் கணேசன், பாலகிருஷ்ணன் ஆகியோர் ஒரு மோட்டார் சைக்கிளில் வந்து அவரிடம் தகராறு செய்துள்ளனர்.
இதனால் ஆத்திரமடைந்த கணேசன், பால கிருஷ்ணன் ஆகிய 2 பேரும் மோகனராகமை அவதூறாக பேசி தாக்கி கொலை மிரட்டல் விடுத்துள்ளனர். இதுகுறித்து மோகனராகம் சிவந்திப்பட்டி காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் கணேசன், பாலகிருஷ்ணன் ஆகியோரை கைது செய்துள்ளனர்.