பிரதமர் நரேந்திர மோடி தலைமையில் இன்று மத்திய அமைச்சரவை கூட்டம் நடைபெற உள்ளதாக அறிவிக்கப்பட்டிருக்கிறது.
நாடு முழுவதும் ஒரே மாதிரியான புதிய கல்விக் கொள்கையை பிரதமர் மோடி தலைமையிலான அரசு கொண்டு வந்துள்ளது. இந்த கல்விக் கொள்கையில் இருக்கின்ற அம்சங்களில் ஒன்றான மும்மொழிக் கொள்கை, ஒருங்கிணைந்த தொழிற்கல்வி, சமஸ்கிருதத்தை தேசிய நீரோட்டத்தில் சேர்த்தல் உள்ளிட்டவற்றுக்கு பெரும் எதிர்ப்புகள் எழுந்துள்ளன. இதற்கு தமிழகமும் கடும் எதிர்ப்பு தெரிவித்துள்ளது. இந்நிலையில் பிரதமர் மோடி தலைமையில் இன்று காலை 10.30 மணிக்கு மத்திய அமைச்சரவை கூட்டம் நடைபெற இருக்கின்றது.
அமைச்சர்களுடன் காணொலிக் காட்சி மூலமாக பிரதமர் மோடி ஆலோசனை நடத்த இருக்கிறார். இந்தக் கூட்டத்தில் புதிய கல்விக் கொள்கை பற்றி முக்கிய ஆலோசனைகள் நடத்தப்பட உள்ளதாக கூறப்படுகின்றது. அது மட்டுமன்றி நாட்டில் கொரோனா பாதிப்பு நாளுக்கு நாள் அதிகரித்துக் கொண்டே வருகிறது. அதனால் கொரோனா தடுப்பு நடவடிக்கைகளை அடுத்த கட்டத்திற்கு கொண்டு செல்வது உள்ளிட்டவை குறித்தும் ஆலோசிக்கப்பட உள்ளது. மேலும் இந்த கூட்டத்தில் முக்கிய திட்டங்களுக்கு ஒப்புதல் அளிக்க வாய்ப்பு இருப்பதாக எதிர்பார்க்கப்படுகின்றது.