கொரோனா நோயாளிகளுடன் தொடர்பில் இருந்த 2 கிரிக்கெட் வீரர்கள் கரீபியன் பிரீமியர் லீக் போட்டியில் விளையாட தடை விதிக்கப்பட்டுள்ளது
இந்த மாதம் நடைபெற இருக்கும் கரீபியன் பிரீமியர் லீக் போட்டியில் பங்குபெற இருக்கும் Jamaica Tallawah அணியை சேர்ந்த Andre McCarthy மற்றும் Jeavor Royal ஆகிய இருவரும் கொரோனா தொற்று உறுதிப்படுத்தப்பட்ட கிரிக்கெட் வீரர் ஒருவருடன் தொடர்பில் இருந்த காரணத்தினால் அவர்கள் அணியில் சேர்ந்து விளையாட முடியாது என அறிவிக்கப்பட்டுள்ளது. இதனை தொடர்ந்து அவர்களுக்கு பதில் வெஸ்ட் இண்டீஸ் அணியை சேர்ந்த பேட்ஸ்மேன் Jermaine Blackwood மற்றும் பந்து வீச்சாளர் Ramaal Lewis ஆகிய இருவரும் Jamaica Tallawah அணியில் இணைந்து விளையாட உள்ளனர்.
இரண்டு வீரர்களுக்கும் முதல் கொரோனா பரிசோதனையில் தொற்று இல்லை என உறுதிப்படுத்தப்பட்டிருந்தாலும் இந்த வருடத்தின் போட்டிக்கான விதிமுறையின்படி வீரர்கள் 2 முறை தொற்று உறுதிப்படுத்தப்படவில்லை என்ற பரிசோதனை முடிவை போட்டி நடைபெற இருக்கும் இருக்கும் Trinidad மற்றும் Tobago-க்கு பயணத்தை தொடங்கும் முன்னரே சமர்ப்பிக்க வேண்டும்.
