நடிகர் விஜய்யின் அடுத்த படத்தை இயக்குனர் பிரதீப் ரங்கநாதன் இயக்கவுள்ளார்.
கடந்த நவம்பர் மாதம் 4-ஆம் தேதி திரையரங்குகளில் வெளியான “லவ் டுடே” திரைப்படம் ரசிகர்களால் பெரிதும் பாராட்டப்பட்டது. இந்த படத்தில் இயக்குனர் பிரதீப் ரங்கநாதன் இயக்கி, நடித்துள்ளார். கல்பாத்தி எஸ். அகோரம், கல்பாத்தி எஸ். கணேஷ், கல்பாத்தி எஸ். சுரேஷ் ஆகியோரின் தயாரிப்பில் உருவாகியது தான் “லவ் டுடே” திரைப்படம். இந்த திரைப்படம் இதுவரை ரூ. 70 கோடிக்கும் அதிகமாக வசூலித்துள்ளதாக தகவல் வெளியாகியுள்ளது.
தற்போது நடிகர் விஜய் நடிக்கும் 66 வது திரைப்படம் “வாரிசு” ஆகும். இந்த திரைப்படம் பொங்கலுக்கு வெளியாகவுள்ளது. இதனை அடுத்து “தளபதி 68” அல்லது “தளபதி 69” திரைப்படத்தினை இயக்குனர் பிரதீப் ரங்கநாதன் இயக்கவுள்ளதாக தகவல் வெளியாகியுள்ளது. இதனைத் தொடர்ந்து இந்த படத்தினை ஏஜிஎஸ் கல்பாத்தி நிறுவனம் தயாரிக்கவுள்ளதாக சமூக வலைத்தளங்களில் தகவல் வெளியாகிவுள்ளது என்பது குறிப்பிடத்தக்கது.