ஓடும் ரயிலில் மகளீர் டிக்கெட் பரிசோதகரிடம் 4 சவரன் தங்க நகையைப் பறித்துச் சென்றவரை போலீசார் தேடி வருகின்றனர்.
சென்னை, கோடம்பாக்கம் ரயில் நிலையத்தில் டிக்கெட் பரிசோதகராகப் பணிபுரிந்து வரும் பெண்மணி ரெஜினி. இவர் தாம்பரம் போகும் ரயிலில் ஏறிய பயணிகளிடம் வழக்கம் போல் பயணச்சீட்டை பரிசோதனை செய்துகொண்டிருந்தார். அப்போது அடையாளம் தெரியாத நபர் ஒருவர் ரெஜினியின் கழுத்தில் இருந்த 4 சவரன் தங்க சங்கிலியை பறித்துக்கொண்டு ஓடும் ரயிலில் இருந்து குதித்து தப்பி சென்றுள்ளார்.
இந்நிலையில் சம்பவம் குறித்து, ரெஜினி மாம்பலம் ரயில்வே போலீசாரிடம் புகார் கொடுத்தார். புகாரின் பேரில் கண்காணிப்பு கேமராவின் காட்சிகளை ரயில்வே காவல்துறையினர் ஆய்வு மேற்கொண்டு அடையாளம் தெரியாத நபரைத் தேடி வருகின்றனர்.