செங்குன்றம் அருகே லாரி டிரைவர் வீட்டில் புகுந்து கத்தியை காட்டி மிரட்டி 15 சவரன் நகை பறித்த கும்பலை போலீசார் வலைவீசி தேடிவருகின்றனர்.
திருவள்ளூர் மாவட்டம் செங்குன்றம் பகுதியை அடுத்துள்ள பாடியநல்லூரில் லாரி டிரைவரான வெங்கடேசன் தன்னுடைய குடும்பத்தினருடன் வசித்து வருகிறார்.. இந்நிலையில் நேற்று பிற்பகல் அவரது வீட்டின் கதவை மர்ம நபர்கள் சிலர் தட்டியுள்ளனர்.. இதையடுத்து வெங்கடேசன் யாரென்று பார்க்க சென்று கதவை திறந்தபோது, வீட்டிற்குள் அடையாளம் தெரியாத கும்பல் உள்ளே நுழைந்து கத்தியை காட்டி கொன்றுவிடுவதாக மிரட்டி பெண்கள் கழுத்தில் அணிந்திருந்த 15 சவரன் தங்க நகைகளை பறித்துவிட்டு தப்பிச் சென்றுள்ளது.
இதனைத்தொடர்ந்து வெங்கடேசன் காவல் கட்டுப்பாட்டு அறைக்கு புகாரளித்தார்.. புகாரின் பேரில், சம்பவ இடத்திற்கு சென்ற செங்குன்றம் போலீசார் தீவிர விசாரணை மேற்கொண்டு வருகின்றனர். பட்டப்பகலில் வீட்டில் நுழைந்து கத்தியை காட்டி மிரட்டி 15 சவரன் நகைகள் பறிக்கப்பட்ட சம்பவம் அந்தபகுதியில் பீதியை ஏற்படுத்தியுள்ளது.