போலீசாரின் கொடி அணிவகுப்பு மாவட்ட போலீஸ் சூப்பிரண்டு சீனிவாசன் தலைமை தாங்கி தொடங்கி வைத்துள்ளார்.
அரியலூர் மாவட்டத்தில் போலீசார் கொடி அணிவகுப்பு நடைபெற்றுள்ளது. இந்த கொடி அணிவகுப்பில் காமராஜர் திடலில் ஆரம்பித்து சத்திரம், எம் ஜி ஆர் சாலை வழியாக அண்ணா சிலைக்கு வந்து நிறைவடைந்துள்ளது. இந்த அணிவகுப்பில் வஜ்ரா, வருண் ஆகிய வாகனங்களும் பங்கேற்றுள்ளது. கொடி அணி வகுப்பில் மாவட்ட போலீஸ் சூப்பிரண்டு சீனிவாசன் தலைமை தாங்கி கொடியசைத்து தொடங்கி வைத்துள்ளார்.
மேலும் கூடுதல் சூப்பிரண்டுகள் சத்தியமூர்த்தி, திருமேனி, துணை சூப்பிரண்டு மதன், மாவட்ட நில அபகரிப்பு தடுப்பு பிரிவு துணை சூப்பிரண்டு பாரதிதாசன் ஆகியோர் பங்கேற்றுள்ளனர். மேலும் இன்ஸ்பெக்டர்கள் செந்தில்மாறன், வெங்கடேஸ்வரன், ராஜா, இமானுவேல், ராயப்பன், அரியலூர் நகர போக்குவரத்து இன்ஸ்பெக்டர் மதிவாணன் மற்றும் ஏராளமான காவல்துறையினர்கள் கலந்து கொண்டுள்ளனர்.