இளம்பெண்ணின் வீட்டிற்கு தீ வைத்த கும்பல் கைது… முக்கிய குற்றவாளிக்கு வலைவீச்சு..!!

சென்னை மயிலாப்பூர் சண்முகம் பிள்ளை தெருவைச் சேர்ந்தவர் தான் குமாரி.. 29 வயதுடைய  இவர் கடந்த 15ஆம் தேதி தன்னுடைய குடும்பத்துடன் அந்தபகுதியில் நடந்த கோயில் திருவிழாவில் கலந்துகொண்டார்.. அப்போது கோயில் தர்மகர்த்தாவின் மொபைல் போன் காணாமல் போனது.. குமாரியின் உறவினர் மகன் திருடிவிட்டதாக கூறி சிவகுமாரின் உறவினரான சாந்தி, தேவி உட்பட பலரும் இணைந்து பிரேம் என்பவரை கடுமையாக தாக்கினர்.

அதனைத்தொடர்ந்து இதுபற்றி குமாரி மயிலாப்பூர் போலீஸ் ஸ்டேஷனில் புகாரளித்திருந்தார்.. புகாரின் பேரில் போலீசாரும் விசாரணை நடத்தினர்.. இந்நிலையில், நேற்று முன்தினம் மீண்டும் குமாரியின் வீட்டுக்குள் புகுந்த சாந்தி, ரஜினி, வினோத் உள்ளிட்ட 8 பேர் குமாரியை சரமாரியாக தாக்கிவிட்டு ஏரியாவை விட்டு காலி செய்யுமாறு மிரட்டியதாக சொல்லப்படுகிறது..

இதையடுத்து, குமாரி, ரவுடி சிவகுமாரின் உறவினரான சாந்தி அந்தபகுதியில் சட்டத்திற்கு விரோதமாக கூடுதல் விலைக்கு மதுபாட்டில்களை விற்பனை செய்து வருவதாகவும், ரவுடிகளை வைத்து அராஜகம் செய்து வருவதாகவும் ஸ்டேஷனில் புகாரளித்தார்.. இதனால், கோபமடைந்த சாந்தியின் கூட்டாளிகள் 5 பேர் குமாரியின் வீட்டின் கூரையில் தீ வைத்து விட்டு தப்பி ஓடி விட்டனர். இதில், வீட்டில் இருந்த புடவை, ஆதார் கார்டு, உள்ளிட்ட பொருள்கள் அனைத்தும் எரிந்து நாசமானது.

இந்தசம்பவம் தொடர்பாக தலைமறைவாகயிருந்த சாந்தி, அய்யனார், அரவிந்தன், தமிழரசன், வினோத், கோபி ஆகிய 6 பேரை போலீசார் கைது செய்து ஆறு பிரிவுகளின் வழக்குப்பதிவு செய்து விசாரணை மேற்கொண்டு வருகின்றனர். மேலும், இந்த வழக்கில் முக்கிய குற்றவாளியான ரவுடி சிவகுமாரை போலீசார் வலைவீசி தேடி வருகின்றனர்..