தாயை தாக்கிய தந்தை…”அடித்து கொலை செய்த மகன்கள்”… பரபரப்பு சம்பவம்..!!

தூத்துக்குடி மாவட்டம் தட்டார்மடம் அருகே இருக்கும் உசரத்து குடியிருப்பைச் சேர்ந்தவர் தான் துரை.. இவருக்கு வயது 48 ஆகிறது.. கூலி வேலை செய்துவரும் இவருக்கு செல்வம் என்ற மனைவியும், ஜெகன் (21), சிவா (19) என்ற 2 மகன்கள் மற்றும் 2 மகள்கள் உள்ளனர்.. துரைக்கு மது குடிக்கும் பழக்கம் இருந்துள்ளது.. நாள்தோறும் குடித்துவிட்டு மனைவியுடன் தகராறு செய்து வந்துள்ளார்.

ஏற்கனவே கடந்த மாதம் மனைவி செல்வத்தை மோசமான வார்த்தைகளால் பேசி திட்டியது மட்டுமில்லாமல் அரிவாளால் சரமாரியாக வெட்டியுள்ளார். அப்போது தடுக்க முற்பட்ட அவரது 2 மகன்களையும் அரிவாளால் தாக்கியுள்ளார்.

அதனைத் தொடர்ந்து மனைவி மற்றும் இரு மகன்கள் சாத்தான்குளம் அரசு மருத்துவமனையில் முதலுதவி சிகிச்சை பெற்றனர்.. இதனையடுத்து திருநெல்வேலி அரசு மருத்துவமனையில் அனுமதிக்கப்பட்டு மூவரும் வீடு திரும்பினர்..

இந்தநிலையில் தான் நேற்று காலை மீண்டும் துரை குடித்து விட்டு வந்து போதையில் மீண்டும் மனைவியிடம் கடுமையான சண்டை போட்டுள்ளார்.. அப்போது அவரது மகன்கள் அவரை தடுப்பதற்காக முற்பட்டுள்ளனர்.. அதனால் தந்தை மற்றும் மகன்களுக்கு இடையே தகராறு ஏற்பட, மகன்கள் இருவரும் கட்டையால் கடுமையாக தாக்கியதில் துரை சம்பவ இடத்திலேயே இறந்தார்.

இந்த சம்பவம் குறித்து தகவலறிந்து விரைந்து வந்த தட்டார்மடம் போலீசார் துரையின் உடலை மீட்டு பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் இச்சம்பவம் தொடர்பாக வழக்குப்பதிவு செய்து இரு மகன்களையும் கைது செய்தனர்.

இதற்கிடையே மாவட்ட காவல் கண்காணிப்பாளர் ஜெயக்குமார் சம்பவ இடத்திற்கு நேரில் வந்து விசாரணைநடத்தினர்.. தாயை தாக்கியதால் ஆத்திரத்தில் தந்தையை மகன்கள் அடித்துக்கொன்ற சம்பவம் பெரும் அதிர்ச்சியை ஏற்படுத்தியுள்ளது..