கறம்பக்குடி அருகே மது விற்று கொண்டிருந்த 3 பேரை காவல்துறையினர் கைது செய்து விசாரணை மேற்கொண்டு வருகின்றனர்.
புதுக்கோட்டை மாவட்டம் கறம்பக்குடி காவல்நிலைய போலீஸ் இன்ஸ்பெக்டர் பாலசுப்பிரமணியன் மற்றும் சப்-இன்ஸ்பெக்டர்கள் அன்பழகன், சின்னப்பன் ஆகியோர் கறம்பக்குடி மீன்மார்க்கெட், திருமணஞ்சேரி பாலம், ஊரணிபுரம் ஆகிய பகுதிகளில் வாகனத்தில் ரோந்து பணியில் ஈடுபட்டனர்.
அப்போது அந்த பகுதிகளில் மதுபாட்டில்களை பதுக்கி வைத்து விற்பனை செய்து கொண்டிருந்த குமார்(65), சிவா(19), முருகானந்தம்(47) ஆகிய 3 பேரை காவல்துறையினர் கைது செய்தனர். மேலும் அவர்களிடமிருந்து மொத்தம் 30 மதுபாட்டில்கள் பறிமுதல் செய்யப்பட்டன. தொடர்ந்து அவர்களிடம் காவல்துறையினர் விசாரணை நடத்தி வருகின்றனர்..